Maʼlumotlarni oʻchirish boʻyicha yoʻriqnoma
Zukko.AI platformasi orqali kompaniyalar Facebook, Instagram, WhatsApp va Threadsdagi yozishmalar, izohlar, lidlar va reklamani yuritadi. Platformani Oʻzbekiston Respublikasi, Toshkent shahridagi «SUMMERTECH» MChJ boshqaradi. Bu sahifada Zukko Metadan olgan maʼlumotlarni qanday oʻchirish mumkinligi tushuntirilgan.
Agar kompaniyangiz Zukkodan foydalansa
Ulangan kanalni oʻchirish
- Zukkoda Sozlamalar → Manbalar boʻlimini oching.
- Facebook, Instagram yoki WhatsApp manbasini tanlang.
- Uni oʻchiring.
Nima boʻladi:
- Kanalning kirish tokenlarini darhol oʻchiramiz va Zukko uning maʼlumotlarini olishni toʻxtatadi.
- Shu kanaldagi yozishmalar, xabarlar, postlar va izohlarni oʻchiramiz.
- «Kontaktlar» yoki «CRM» boʻlimida oʻchirmaguningizcha kontaktlar, lidlar va bitimlar akkauntingizda qoladi.
Meta reklama akkauntini uzish
- Zukkoda Marketing boʻlimini oching.
- «Uzish» tugmasini bosing.
Nima boʻladi:
- Reklama akkauntining kirish tokenlarini oʻchiramiz va lidlarni sinxronlash toʻxtaydi.
- Allaqachon yuklangan lidlar siz oʻchirmaguningizcha CRMda qoladi.
Zukkoga berilgan ruxsatni Meta tomonida bekor qilish
Zukko.AIni Meta sozlamalarida olib tashlash mumkin:
- Facebook: Sozlamalar → Biznes integratsiyalari;
- Instagram: Sozlamalar → Ilovalar va saytlar;
- Meta Business sozlamalari: WhatsApp Business akkauntingizga ulangan ilovalar.
Shunda yangi maʼlumotlar kelishi darhol toʻxtaydi, lekin Zukkoda allaqachon saqlanayotgan maʼlumotlar oʻchmaydi. Ularni ham oʻchirish uchun yuqoridagi amallarni bajaring yoki bizga yozing.
Butun akkauntni yoki ayrim maʼlumotlarni oʻchirish
Akkaunt egasining elektron pochtasidan support@zukko.ai manziliga yozing:
- mavzu: «Maʼlumotlarni oʻchirish soʻrovi»;
- Zukko akkauntingiz nomi;
- nimani oʻchirish kerak: butun akkauntni yoki ayrim kanallarni.
Soʻrovni siz yuborganingizga ishonch hosil qilamiz, maʼlumotlarni 30 kun ichida oʻchiramiz va buni xat orqali tasdiqlaymiz.
Agar Zukkodan foydalanadigan kompaniyaga murojaat qilgan boʻlsangiz
Siz kompaniyaga Facebook, Instagram, WhatsApp yoki Threadsda yozsangiz yoki uning postlariga izoh qoldirsangiz, xabarlaringizdan qanday foydalanishni shu kompaniya hal qiladi. Zukko ularni shu kompaniyaning topshirigʻi boʻyicha saqlaydi.
Maʼlumotlaringizni oʻchirishni shu kompaniyaning oʻzidan toʻgʻridan-toʻgʻri soʻrashingiz mumkin. Yoki support@zukko.ai manziliga «Maʼlumotlarni oʻchirish soʻrovi» mavzusi bilan yozing va quyidagilarni koʻrsating:
- qaysi kompaniyaga murojaat qilganingiz: uning Facebook Sahifasi, Instagram akkaunti, WhatsApp raqami yoki Threads profili;
- u yerda koʻrinadigan ismingiz, foydalanuvchi nomingiz yoki telefon raqamingiz;
- nimani oʻchirmoqchi ekaningiz.
Soʻrovni shu kompaniyaga yetkazamiz va maʼlumotlarni uning topshirigʻi boʻyicha, qonun ruxsat bergan doirada oʻchiramiz. 30 kun ichida javob beramiz. Soʻrovni siz yuborganingizga ishonch hosil qilish uchun maʼlumotlarni aniqlashtirishni soʻrashimiz mumkin. Biz hech qachon parol soʻramaymiz.
Maʼlumotlar Zukkoda oʻchirilsa ham, Facebook, Instagram, WhatsApp yoki Threadsdagi xabar va izohlarning oʻzi oʻchmaydi. Ularni Meta ilovalarida oʻzingiz boshqarasiz.
Nimalarni saqlab qolishimiz mumkin
Biz faqat qonun boʻyicha saqlashimiz shart boʻlgan maʼlumotlarni, masalan, toʻlov hujjatlarini saqlaymiz. Ularni ham faqat qonunda belgilangan muddat davomida saqlaymiz. Zaxira nusxalar 35 kun ichida oʻchiriladi.
Aloqa
support@zukko.ai · «SUMMERTECH» MChJ, Toshkent shahri, Oʻzbekiston Respublikasi